http://www.ide-website.net/ IDE | Grupo Informática de Euskadi Monday, 19 March 2012 12:00:00 +0000 http://www.ide-website.net/ es-ES Zorraquino info@zorraquino.com (Zorraquino) editor-noticias@zorraquino.com (Nombre del editor) http://www.ide-website.net/default/imagenes/Img_Logo.png http://www.ide-website.net/ http://www.ide-website.net/eu/berriak/arrakastaz-burutu-da-bbk-eta-cajasur-en-arteko-integrazio-teknologikoa-.html Monday, 19 March 2012 12:00:00 +0000 IDE | Grupo Informática de Euskadi Martxoaren 19an ezarri da BBK-ren plataforma teknologikoa, “BESAIDE”, eta horren gainean ari dira jadanik Kordobako erakundeko bezero eta harreman-kanal guztiak. Bategite teknologikoari esker, CajaSurreko bezeroek funtzio eta abantaila komertzial berriak eskuratu dituzte, eta inbertsio-teknologikoetan %20 inguruko aurrezkiak ahalbidetzen dira. BBK izan da prozesuaren zuzendari estrategikoa, IDE (Informática de Euskadi Taldea) Informazio-Sistema ezartzearen ardura zuzena izan du, eta Accenturek bazkide teknologiko gisa jardun duelarik. 15 hilabete iraun du integrazioak, 475.000 lan-ordu eta 250 langile baino gehiagoren parte hartzearekin.   Joan den astelehenaz geroztik, hilak 19, CajaSurren informazio-sistema guztiek bat eginda dihardute “Besaiden”, hots, BBKren Plataforma Teknologikoan. Berau izangoa da, halaber, Kutxabank osatzen duten erakunde guztien sistema komuna. Hau honela, CajaSurren eragiketa eta bezero guztiak, kanal komertzial guztietan, informazio- eta kudeaketa-sistema bakarrean integratuta daude, eta horri esker, abantaila berriak ere eskuratu zaizkie, hala nola, funtzionalitate gehiago eta onura komertzialak. Asteleheneko mugarriak duela 15 hilabete hasitako integrazio teknologikoa eta aldaketaren kudeaketako prozesuaren amaiera ekarri du, iragarritako epeak eta emaitzak lortu direlarik. Ondorioz, erabat burututzat ematen da bi erakundeen arteko bategitea. Prozesu honi esker, inbertsio teknologikoan lortutako aurrezki edo sinergiak %20 inguru izatea aurreikusi da. Gogoratu behar da Bizkaiko erakundeak Kordobakoa erosi izana izan zela euskal aurrezki-kutxek egindako lehen operazioa, 2011ko urtarilaren 1ekoa. Urte bete geroago, BBK eta CajaSur eta Kutxa eta Vital bat eginda, Kutxabank sortu zen. Eraldaketa sakona ekarri du prozesu honek, teknologiari eta erakundetzeari dagokienez eta horri esker, CajaSurren finantza-jarduera osoa Kutxabank-en kudeaketa, kontrol eta orientazio komertzialarekiko lerrokatuta garatu da aurrerantzean. Proiektuak 475.000 lan-ordukoa izan da eta 250 langunetik gora aritu dira.   Proiektu teknologiko handi bat Bat egite prozesuak CajaSur erakundearen sistema zaharrak Besaide plataforman integratzea ekarri du eta horrez gain, Kordobako kutxaren beharrizan propioei erantzuteko moduluak ere garatu egin dira. Integrazioak CajaSurren irtenbide teknologiko guztiak hartzen ditu barne, eta baita banaketa-bide guztiak ere: bulegoak, internet bidezko banka, autozerbitzua (kutxazainak, komertzioak, sarreren salmenta …) eta telefono bidezkoa, hain zuzen ere. Inplantazio-prozesuan zehar, ondoko mugarriak bete dira: • Kudeaketari buruzko Informazio-Sistema abian jarri zen 2011ko uztailean • Kudeaketa Komertzialerako Sistema abitu zen 2011ko irailean • Altxortegiko Sistema indarrean sartu zen 2011ko azaroan • Eredu operatibo osoaren “Big Bang” edo inplantazioa, joan den astelehena, martxoak 19. Erabateko inplantazioa baino lehen, beraz, atal zehatz batzuk jarri dira abian, baina horiek ez dute bezeroen eguneroko jardunean batere eraginik izan. Joan den astelehenekoak, ordea, inpaktu zuzena du bezeroengan, eskura jartzen baitizkie plataforma aurreratuagoaren abantailak. Beste hainbaten artean aipatzekoa da adibidez, lehen baino eragiketa-aukera zabalagoa dutela orain, bereziki internet bidezko bankaren plataforman, eta oro har, jarduteko modua erosoagoa, bizkorragoa eta erabilerrazagoa da.   Teknologia, berrikuntza eta sinergiak Besaide plataformak banka-negozioaren oinarrizko aplikazioei erabateko estaldura ematen die, enpresa zein norbanakoei begira. Nolabait esanda, aplikazioen arkitektura adimentsuaren bitartez garatu den “osotasuna” eskaintzen du, eta horri esker, prozesuak berrerabili egiten dira, funtzio eta eragiketa guztiak estaltzen dira, eta produktu, zerbitzu eta kanal guztiak automatizatu egiten dira. Hau honela izanik, integrazio teknologikoak erabateko iraulketa ekarri dio Kordobako erakundeari eta ondorioz, Aldaketaren Kudeaketan ahalegin handia egin da. Bi erakundeak zuzen lerrokatzeko eta sinergia eta eraginkortasun handienak lortzeko elementu kritikoa da aldaketa hori behar bezala gauzatzea. Teknologia finantza-erakunde bateko kostu-unitate nagusietarikoa da eta ondorioz, esparru honetan lor daitezke aurrezkiak eta inbertsioaren eraginkortasunik handiena. Eszenario teknologiko berrian eta proiektuan bi erakundeek egin dituzten inbertsio teknologikoak kontuan hartuta, %20 inguruko sinergiak kalkulatu dira. Integrazioak berak sortzen dituen sinergiez landa, hilabete hauetako proiektuan zehar DatCenter berria diseinatu da, merkatuko praktikarik onenak barne hartzen dituena eta Mainframe, biltegiratze, komunikazio eta errobotikaren esparruetako teknologiarik aurreratuenak bilduz. Berariaz aipatu daiteke CajaSurreko lan-postuen birtualizazioa, oraintsu diseinu-fasean bete-betean dagoena, CajaSurreko plataforma kolaboratiboan aurten ezartzeko.   IDE (Informática de Euskadi Taldea) Proiektu honen garapenean, IDEren lan-taldearen parte hartzea oso garrantzitsua izan da, BBK-k buru izan duen Proiektuaren Zuzendaritzan, eta CajaSurreko Integrazio Funtzional eta Teknologikoan. Hain zuzen ere, prozesu honetan pilatutako esperientzia IDE enpresaren lan-taldearen balio erantsi nagusietarikoa da, eta bereziki esanguratsua da hau finantza-sektoreko kontzentrazio mugimenduek eragileen mapa berria itxuratzen ari diren garai honetan. http://www.ide-website.net/eu/berriak/ide-eta-telekomunikazioen-sektorea.html Monday, 19 March 2012 12:00:00 +0000 IDE | Grupo Informática de Euskadi Dato Económico Aldizkariak gonbidatuta, Euskadiko Telekomunikazioen enpresen arteko mahainguruan parte hartu genuen joan den abenduan. Jadanik kontsulta daiteke kioskoetan 2012ko urtarrileko alea, eta bertan jaso den iritzi-sorta. http://www.ide-website.net/eu/berriak/bizkaia-foroak-ide-saritu-du.html Thursday, 17 November 2011 12:00:00 +0000 IDE | Grupo Informática de Euskadi 'Gizarte Erantzukizunaren Bizkaia Foroak' IDEren konpromisoa aintzat hartu du bere aurtengo edizioan, gizartearekiko erantzukizunez diharduen erakunde gisa sarituz. IDErekin batera aurten  Montaketak S.L., Ados Consulting eta Txindorra Konsultoria erakundeek jaso dute aintzatespena. Errekonozimendu honen helburua da erakundeon konpromisoa publikoki aitortzea eta difusioaren bitartez, bertan garatzen diren praktika zuzenak ezagutzera ematea, beti ere Gizarte-Erantzukizunak bere baitan hartzen dituen hiru jardun-lerroetan: interes-taldeekiko emaitzak, gizarte-kohesioa eta ingurumena zein gizartearen zerbitzurako jarduna.   Foroa 2005. urtean abiatu zuten BBK, ASLE eta Cebek erakundeek eta geroztik 51 erakundek jaso dute errekonozimendu hau. Foroa erakunde pribatua da eta bere eginkizun nagusia “enpresei enpresetatik laguntzea da”, zehatzago beren lehiatzeko gaitasuna handitzeko Gizarte-Erantzukizunaren bitartez. Beste hainbat elementuren artean, Foroak aztertu eta aintzat hartzen ditu ondokoak: enpleguaren kalitatea, bizitza pertsonal eta profesionalaren arteko uztardura egokia, Gizon eta Emakumeen arteko Berdintasuna bultzatzeko ekimenak eta ingurumenaren zaintzan egiten diren ekarpenak. http://www.ide-website.net/eu/berriak/biharko-ren-trasladoa-iberdrola-dorrera-.html Monday, 12 September 2011 12:00:00 +0000 IDE | Grupo Informática de Euskadi Biharko Aseguru-etxeko lan-taldea, 70dik gora langilerekin, Iberdrola Dorreko egoitza berritik ari da lanean irailaren 12az geroztik. Egoitza zaharretik berrirako trasladoa asteburuan zehar egin da, modu horretara gutxiagotu egiten baitira zerbitzuaren kalitateari eta bezeroen atentzioari eragiteko aukerak. IDE – Informática de Euskadi enpresaren ardura izan da ekipamendu eta trasladoa zuzentzea eta koordinatzea. Horren barruan, Sistema-Arkitektura berria definitu eta inplementatzeaz gain, CPD berria ezarri da bertan. Komunikazioak, Sistemak eta Instalazioak taldeetako kideez osaturiko lan-talde mistoa eratu du IDE-k traslado-prozesua oso-osorik estaltzeko. http://www.ide-website.net/eu/berriak/bbk-k-plataforma-teknologikoa-berritu-eta-cajasur-ekiko-integrazioan-aurrera-darrai.html Wednesday, 07 September 2011 12:00:00 +0000 IDE | Grupo Informática de Euskadi Joan den uztailaz geroztik, CajaSur erakundeko langileek BBKren plataforma teknologikoa, Besaide, darabilte eguneroko lanean. Proiektuaren egutegiak ez du atsedenerako tarterik uzten: 2012ko martxoak bi erakundeek bat egingo dute guztiz, plataforma teknologiko bakar baten. Ordurako, 15 hilabeteko garapen eta inplantea, 450.000 lan-ordu, 200 langileren esku hartze zuzena eta langileko 300 prestakuntza-ordu eskainiko dira. IDE-ren zeregina giltzarri izaten ari da integrazio-proiektu honetan. Egindakoaz eta eginkizun dagoenez, luze hitz egin dute BBKn integrazio teknologikoaren ardura dutenek Estrategia Enpresarial hamabostekarian. http://www.ide-website.net/eu/berriak/lankidetza-hitzarmena-tecnaliarekin.html Monday, 27 June 2011 12:00:00 +0000 IDE | Grupo Informática de Euskadi Ekainaren 27an, astelehena, Lankidetza-Hitzarmena izenpetuko dugu Tecnaliarekin, Koorporazioak Bizkaiko Parke Teknologikoan duen egoitzan. Hitzarmenak IDE-k eta Tecnaliak batera garatuko dituzten lankidetza-esparruak finkatzen ditu, eta horrez gain, geure enpresa eta berezoentzat balio erantsi handikoak diren ikerketa-proiektuak zehazten ditu. Lankidetza abiarazteko, hiru jardun-esparru definitu dira: Segurtasuna eta Konfiantza IKTren arloan, Superkonputazioa eta Adimen Konputazionala eta Software-ekoizpenaren industrializazioa. Ekimen honen bitartez, Euskal Sistemarekin aliantza estrategikoak sendotzen jarraitzen du IDE-k, era horretara eskaintza lehiakorra eta geure bezeroen atentziorako balio erantsia indartu egiten ditugularik. http://www.ide-website.net/eu/berriak/euskal-securiticonference.html Friday, 13 May 2011 12:00:00 +0000 IDE | Grupo Informática de Euskadi Datorren maiatzak 24n, Euskadiko Informatika Ingeniarien Elkargo Ofizialak urteko Konferentzia Nagusia antolatuko du, oraingo honetan, Sistemen Segurtasunari buruzkoa. IDE jardunaldiaren babeslea da eta horrez gain, parte hartuko du garatuko den programan. IDEko kidea den Gorka Otxandianok azken urte hauetan segurtasun-sistemek bizi izan duten bilakaera aztertuko du, "11S: iragana eta etorkizuna" izena daraman ponentziaren bitartez. Elkargoak Eusko Jaurlaritzako Industria, Berrikuntza, Merkataritza eta Turismo Sailaren laguntza izan du jardunaldia antolatzeko, eta baita, esan den moduan, IDErena ere, beste hainbat eragilerenarekin batera. Egitarauari buruzko xehetasun gehiago eta parte hartzeko galdetegia Elkargoaren web gunean kontsulta daitezke: www.coiie.org http://www.ide-website.net/eu/berriak/smart-grids-eta-it-jardunaldi-teknikoa-ideren-laguntzarekin.html Thursday, 14 April 2011 12:00:00 +0000 IDE | Grupo Informática de Euskadi Datorren apirilak 19, Smart Grids edo Sare Adimentsuen merkatu berriaren inguruko jardunaldi profesionala egingo da Bilboko Sota Eraikinean (Kale Nagusia 45. zenbakian) IDE-k babestuta. Jardunaldi Teknikoaren helburua da “Smart” merkatuak Euskadin duen hedadurari buruzko ikuspegi orokorra eskaintzea da; izan ere, hazkunde-aukera eta negozio-bolumen handiko sektorea baita berau bertan Informazio Teknologien esparruan diharduten enpresentzat. Smart Grids izenekoa elektrizitatearen banaketa-sare adimendunak sortzeko teknologia da, eta energia elektrikoaren erabilera eta kudeaketa eraginkorrak erraztea du helburu. Smart Grids arloko hornitzaileek darabiltzaten hazkunde- eta hedapen-aurreikuspenen arabera, hauxe izango da teknologia ekologikoen artean garapen-mailarik handiena izango duena datozen urteotan, eskakizun-maila gero eta altuagoa izango da-eta. 2014. urterako, adibidez, sare adimendunetako inbertsio metatua 33.000 milioi dolarretik gorakoa izatea espero da. Aurreikuspenen arabera, elektrizitate-eskaria bikoiztu egingo da 2030. urterako, bereziki gaur egun sortze-bidean ari diren tendentziak hauspotuta, esate baterako “e-mobility” (auto elektrikoa) delakoak. Aurreikuspen horien arabera, sare elektrikoetan “adimena” aplikatzeak 1.000 milioi tona CO2ko isuriak aurreztea eragin lezake. Smart Grids delakoaren inguruan sortzen den balore-kate berria enpresa aurreratuenen apustu estrategikoa da eta Euskadin oinarri sendoak ditu, fase desberdinetan abian ari diren proiektuen eskutik. Hain zuzen ere, bertako IT enpresentzat irekitzen ari diren aukera berrien inguruan jardungo dute profesionalek Jardunaldian, Gaia-k antolatuta ( Euskal Autonomia Erkidegoko Elektronika eta Informazio Teknologien Industrien Elkartea). Bertan parte hartuko dute Euskadiko Smart merkatuko eragile teknologikoek, tartean ondokoak: Tecnalia eta Tekniker-IK4 (Sare Adimentsuen Behatokiaren datuak aurkeztuz), JEMA, ZIV eta EVEk (abian dituzten smart proiektuak aurkeztuz). http://www.ide-website.net/eu/berriak/ideiak-berrikuntzaren-alde.html Wednesday, 23 March 2011 12:00:00 +0000 IDE | Grupo Informática de Euskadi   Berrikuntza oinarrizko ezaugarria izan da IDE geure proiektua sendotzeko, eta geure balore-proposamena geure bezeroen garapen-beharrizanetara lerrokatzeko. Egiten dugun guztiaren atzean dago, geure ADNren parte da eta, ondorioz, geure apustua garbia da: geure egituratik bertatik bultzatzen dugu berrikuntza, horrek aukera ematen digulako bertako eragileentzat negozio-aukera berriak sortzeko IDEren gaitasunetan oinarrituta. Hau guztia horrela, abian jarriko dugu proiektu berritzaileak jorratzen dituen laborategia: IDELab. Negozio-unitate berria zehar-lerro gisa txertatuta dago ezagutzaren katean, eta lan-talde osoari dagokio, lehiakortasun-eskakizunik handienetan diharduten profesionalen esku garatzen baita. IDELab geure eskarmentutik bertatik sortu da, eta geure bezeroei I+G teknologikoaren esparruan proiektuak garatu ahal izateko gaitasun propioak eskuratzen dizkie, beti ere, beren negozio-helburuen estrategiarekin lotuta. Era honetako proiektuen laguntzan esperientzia handia dugu, aurkezpenean eta enpresen beharrizanetara egokitzen. Horrez gain, garapen teknologikoko aliantza estrategikoak sendotzen ezagutza eta ikuspegi estrategiko nabarmena dugu, bai Euskadin eta baita Europan ere. IDEren I+G unitate estrategiko honek bi jardun-esparru nagusitan dihardu. Alde batetik, finantza sektoreko berrikuntza teknologikoa, horretan geure profesionalek erabateko ezagutza eta eraginkortasuna baitute, BBK bezala, garapen teknologiko handia duten bezeroekin dugun kokapen estrategikoak bermatzen duena. Bestalde, jardun-lerro espezifikoa zabaldu dugu Smart Grids / Smart Cities kontzeptuaren inguruan, berau izango baita datozen urteotan apustu estrategiko enpresarial nagusietarikoa. Euskadin Smart Grid-en hedapenari lagundu egin nahi diogu, bertako enpresa eta erakunde liderrei Europan, AEBn eta Asian garatzen ari diren proiektu pilotu nagusiekin lotura zuzena errazten.   http://www.ide-website.net/eu/berriak/euskaltel-eta-sap-migrazioa.html Wednesday, 30 March 2011 12:00:00 +0000 IDE | Grupo Informática de Euskadi Beste behin ere, euskal operadoreak IDEren SAP taldea aukeratu du bere sistemak bertsio berrietara migratzeko prozesuaren ardura izan dezan, horrela bere kudeaketa-aplikazioak eredu estandarrik aurreratuenetan eguneratuta egongo direla bermatu ahal izango duelarik. Proiektu hau aurrera eramateko, g dugun esperientzia eta ezagutza baliatu dugu. Geure SAP unitatearen esperientzia eta ezagutza eskaintzen dizkiogu bezeroari, garapen eta aholkularitza estrategikoan adituak diren 80 langiletik gora ditugu eta. IDE eta Euskaltelen arteko lankidetza 1997. urtean sendotu zen, eta bereziki Ustiapena, Sistemen Teknika, SAP eta Business Intelligence arloetan jardun dugu elkarlanean. Lankidetza estrategikoaren esparruan, bada, Euskaltelen garapen teknologikoa bidaide gara eta horrez gain, aunitz arlotako proiektu berritan dihardugu. http://www.ide-website.net/eu/berriak/hondakin-arriskutsuen-kudeaketa.html Friday, 01 April 2011 12:00:00 +0000 IDE | Grupo Informática de Euskadi Eusko Jaurlaritzako Ingurumena, Lurralde-Planifikazio, Nekazaritza eta Arrantza Sailarekin elkarlanean, IDEk IKS-eeM sistema garatu eta abian jarri du. Ingurumena Kudeatzeko Sistema integrala hau aintzindaria izan da estatu mailan eta erreferentzia gisa erabiltzen da gaur egun. Isuri kutsakorrak, hondakinak eta materia, ura eta energiaren kontsumoak kontrolatu egiten ditu sistemak, eta horrez gain, hondakinok sortu, garraiatu edo kudeatzen dituzten 30.000 zentro ingururen baimenak integratu egiten ditu. Sistema abian jarri zenetik, IDEren ardura izan da mantentzea eta eskakizun berrietara egokitzea, eta datozen hilabeteotan Eusko Jaurlaritzak berak esleitu behar duen aurtengo zerbitzua ere aurkeztu du bere hautagaitza. Sailaren eskutik garatu dugun esperientzia honi esker, bestalde, arriskutsutzat kontsideratuta dauden hondakinak sortu edo kudeatzen dituzten enpresei zuzendutako produktu-sorta berezia garatu dugu, sektorean gertatzen ari diren eskari berriei erantzuteko. 2010. urteaz geroztik, araudi berria jarri da indarrean enpresak eta administrazio desberdinen arteko dokumentu-fluxuak zuzentzen dituena. interETER izeneko soluzioa garatu du IDEk, agiriak tramitatzeko sistema berrian enpresak egokitzen laguntzeko. Beraz, IDEren produktu honek irtenbide estandarra eskaintzen die enpresei, berehala kontrol-sistema zorrotzagoak ezarriko direnez gero, prest egon daitezen. interETER sistema ETER proiektuaren barruan dago (Ingurumen-Datuen Estandarizazio Elektronokoa), proiektuak berak ezarri duen E3L (Environmental Electronic Exchange Language) bitartekaritza-lengoaiaren bitartez. Hondakin ez arriskutsuen kudeaketa estaltzeko, interETERen baitan IKS-eeM estandar jabea ere jasotzen da (ETER proiektuak berak RNP definitu behar baitu). Horiez guztiez gain, Eusko Jaurlaritzarentzat IKS-eeM eta E3S (E3L web aplikazioen bitartez) integrazioa ere egin dugu. http://www.ide-website.net/eu/berriak/bilborako-web-gune-berria.html Tuesday, 29 March 2011 12:00:00 +0000 IDE | Grupo Informática de Euskadi   Azken urte hauetan, Bilboko Udalak ekimen berritzaile eta interesgarri franko garatu du udalaren zerbitzuak herritarrengana hurbiltzeko, on-line atentzioa eta ohikoak ez diren kanaletako zerbitzuen hazkunde handiarekin. Duela hilabete batzuk, Udalak web gune berria abian jarri du, eta IDE berrikuntza teknologikoaren ardura izan du. Udalak apustu garbia egin du teknologia berrien alde, harreman eta kudeaketa-bide nagusi izango direlakoan. Orientazio berriaren oinarrian Fitwire plataforma aukeratu du, kanal anitzeko kudeaketan liderra den irtenbidean, hain zuzen ere. IDE Fitwireren aliatu estrategikoa da, eta eskarmentu handia du haren aplikazioan, besteak beste, BBK, Kutxa eta Vital Kutxan ezarri duelarik. Cimubisa-ren eskutik, etengabeko harremana dugu Bizkaiko hiriburuko Udalarekin hainbat proiektutan, eta duela hainbat urtetik hona, bere euskarri teknologikoko zerbitzuetan kideak gara. http://www.ide-website.net/eu/berriak/interesgarria.html Wednesday, 30 March 2011 12:00:00 +0000 IDE | Grupo Informática de Euskadi BBK eta CajaSur erakundeek plataforma teknologiko berean jardungo dute datorren urtetik aurrera, Besaide izenekoan, hain zuzen. Bategite-prozesua Bilbotik zuzenduko du lan-talde misto baten zuzendaritzapean. Bertan izango dira bi erakundeotako espezialistak (2011. urteaz geroztik fusionatuta daude BBK Bank erakundeak Kordobako erakundea erosi eta gero), Accenture eta IDEkoak. Datozen hilabete hauetan, IDEko 150 langiletik gora parte hartuko dute zuzenean integrazio-prozesuan. IDEren lan-taldearen ardura izango da CajaSur erakundearen Integrazio Funtzionala eta Teknologikoa, eta parte hartuko du Eragiketen Integrazioan eta CajaSurreko langileei eragingo dien aldaketa-kudeatzeko prozesuan. Horrez gain, BBKren Bulego Teknikoaren ardurapean, Integrazio-prozesuaren Kudeaketa integralean ere parte hartuko du IDEk. BBK eta CajaSur erakundeen integrazioa eta gero sortutako erakunde berriak Besaide izango du oinarrian. BBKrena da Sistema Informatikoa eta sortu zenez geroztik IDEren profesionalen eskutik garatzen joan da. Informazioaren kudeaketan etengabeko ikerketa, hobekuntza eta berrikuntza gertatu da eta Besaide urte hauetako lanaren emaitza da. Plataforma hau finantza-erakundearen kudeaketa, negozio eta gestio-estandarrik aurreratuenak garatzeko euskarri teknologikoa da. Eredu teknologiko aurreratua da eta berekin dakar informazio korporatiboaren fluxu etengabea, prozedurak aldatzeko edota kudeaketa komertziala etengabe hobetu ahal izateko. Sistema honi esker, negozioaren bilakaeraren gaineko segimendu bizkorra eta xehea egin daiteke, eta bistan denez, hori abantaila lehiakorra da. BBKren kaudimenari buruzko datuak esandakoaren adibide garbiak dira. 2010. urtean, BBK berriro agertu da Espainia eta Europako finantza-erakundeen buru kaudimenari dagokionez, eta horrek informazio-sistema integratuaren aldeko apustua berretsi egiten du. IDEk Besaideren bilakaeraren ardura izan du urte hauetan guztietan, eta bere diseinu eta inplementazioan pieza giltzarria izan da. http://www.ide-website.net/eu/berriak/zabalgarbi-eta-erp.html Wednesday, 30 March 2011 12:00:00 +0000 IDE | Grupo Informática de Euskadi   Azken hilabete hauetan, IDEren lan-taldeetako batek Zabalgarbin jardun du ERP irtenbidea aplikatzen. Enterprise Resource Planning delakoak kudeaketari lotutako prozesuak integratu egiten ditu eta IDEk garatu duen aplikazio teknologikoak, hain zuzen, kudeaketarako erabat fidagarria den lantresna eskuratu dio. Irtenbide hau bezeroaren beharrizanen arabera egokitu egiten da, eta erantzuteko denbora laburtzeaz gain, erabakiak hartzeko nahitaezkoa den informaziorako sarbidea erraztu egiten du. Eskaini dugun irtenbidea IDEk arlo hauetan duen ezagutzan oinarritzen da, eta garapenerako, ERP softwarean ekoizle nagusia den Solmicrorekin dugun aliantza estrategikoa baliatu egin dugu.