Gure proiektuaren funtsa bi bazkide handiren arteko aliantza estrategikoa da: Kutxabank eta Accenture. Bi bazkideon arteko konexioak aparteko balio-proposamena ematen dio IDEri, geure merkatuari helarazten dioguna proiektu guztietan. Alde batetik, dihardugun lurraldearekiko ezagutza, konexioa eta konpromisoa eskaintzen dugu, eta bestetik, mundu mailan ezagutza berezituan liderra den sarearekin konektatuta gaude.

Beraz, gaitasunik onenaren baturak sortu du IDE, maila lokalak eta globalak bat egiten dute gure baitan, eta gure proiektu guztietan. Geure konpainiaren osaketa, bada, batura hitzarekin lotuta dago, eta horri esker, geure bezeroen emaitzak biderkatu egiten ditugu.

Accenture

Accenture kudeaketa-aholkularitza, zerbitzu teknologiko eta outsourcing arloko konpainia global garrantzitsuena da. 120 herrialdetan dihardu, eta 204.000 pertsona inguruk osatzen dute. Dimentsio honi esker, geure bazkideak bere bezero guztiei esperientzia, sektore eta negozio-arlo guztietako gaitasunak eta ikerketa-jarduera zabala eskaintzen dizkie.

Accenturen eskutik, IDEn leihoak irekitzen dizkiegu geure bezeroei, ezagutza eta mundu osoko praktikarik onenetan parte hartu ahal izateko. "Eraginkortasun handia" estrategia bera ere geure baitara daramagu, bezero ditugun enpresa eta erakundeek ere etekinik handienak eta balore jasangarria eskura ditzaten.

Informazio gehiago: www.accenture.com

Kutxabank

Kutxabank 2012. urtean sortu zen Euskadiko hiru aurrezki-kutxen fusioaren ondorioz: BBK, Kutxa eta Vital Kutxak bat eginda, gure lurraldeko finantza-erakunde talderik sendoena eratu dute.

Data horretatik aurrera, bada, bankuak bere egin zuen ordura arte BBK gure konpainian zuen partaidetza, erantzukizun eta ardura-eskema berberaz.

Kutxabank gure merkatuko finantza-erakunde liderra da eta sarbide handia du, gainera, Andaluziako merkatuan, bankuaren sorrera abiarazi zuen fusioaren aurretik BBK-k CajaSur integratua baitzuen.

Horiek horrela, ordura arte bezala, IDE finantza-erakundearen bazkide teknologi nagusietarikoa da, eta horri esker, posizio nabarmena dugu eskakizun-maila goreneko irtenbide teknologikoen arloan, segurtasun-estandar sendoetan eta datuen integrazio konplexuan jardutea berrikuntzaren gailurrean kokatzen gaituzten faktoreak direlako.

Kutxabank-i buruz gehiago jakiteko, jo ezazu bere webgune korporatibora: www.kutxabank.com